Samarqandda “Ichki ufq: 30-yillar O‘zbekistoni Ella Mayar suratlarida” ko‘rgazmasi ochildi
"Ipak yo‘li" turizm va madaniy meros xalqaro universitetining “Art station by Silk Road University" galereyasida ilk bor Shveysariya elchixonasi bilan hamkorlikda ko‘rgazma tashkil etilmoqda.
Ko‘rgazmada namoyish etilgan fotosuratlar 20 asrning 30-yillaridagi Toshkent, Samarqand, Buxoro, Xiva, Qoraqalpog‘iston shaharlarining havosi va muhitini aks ettiradi.
Unda Mayarning 1932 yilda O‘zbekistonda Markaziy Osiyo bo‘ylab yetti oylik sayohati chog‘ida olgan fotosuratlari taqdim etilgan.
O‘sha sayohat taassurotlari matn va suratlar ko‘rinishida uning “Osmon tog‘laridan qizil qumlarga” kitobida jamlangan.
Ko‘rgazma 2023 yil 8 oktabrgacha davom etadi. Kirish bepul.
