Samarqandda “Invest in Samarkand” I xalqaro investitsiya forumi o‘tkaziladi
Joriy yilning 22-23 noyabr kunlari Samarqandda “Invest in Samarkand” I xalqaro investitsiya forumi va “Made in Samarkand” nomli viloyat ishlab chiqaruvchilarining milliy ko‘rgazmasi o‘tkaziladi.
Ilk bor o‘tkazilayotgan mazkur forumning maqsadi viloyat iqtisodiy salohiyatini yanada rivojlantirish, to‘g‘ridan-to‘g‘ri xorijiy investitsiyalarni jalb etish, investorlarni hudud imkoniyati va salohiyati bilan tanishtirishga qaratilgan.
Shuningdek, turizmni rivojlantirish, sayyohlar uchun yangi dam olish maskanlarini barpo etish, viloyatning daromad manbaini kengaytirish ko‘zlangan forumda 300 dan ortiq xorijiy sarmoyador ishtirok etishi kutilyapti.
