Samarqandda ofitserlar malaka oshirdi
Samarqand shahridagi harbiy qismda Markaziy harbiy okrug tasarrufidagi harbiy qism va muassasalarning tarbiyaviy va mafkuraviy ishlar bo‘yicha ofitserlari ishtirokida o‘quv-uslubiy yig‘in bo‘lib o‘tdi.
Unda O‘zbekiston musulmonlari idorasi viloyat vakilligi, O‘zbekiston Yozuvchilar uyushmasi viloyati bo‘limi, viloyat xalq ta’limi boshqarmasi, yoshlar ittifoqi viloyati kengashi vakillari ma’naviy-ma’rifiy ishlar samaradorligini oshirish yuzasidan ofitserlarga tushuncha berdi
- Yig‘indan ko‘zlangan maqsad – tarbiyaviy va mafkuraviy ishlar bo‘yicha bo‘lim ofitserlarining bilimi, ma’naviy saviyasi va intellektual salohiyatini yuksaltirishdan iborat, - deydi podpolkovnik To‘lqin Xalilov. – Bu harbiylarning jangovar tayyorgarligini kuchaytirishga ham xizmat qiladi.
O.SONNIBOYEV.
