Samarqanddagi shahar va tuman bolalar va o‘smirlar sport maktablariga yangi sport anjomlari berildi
Samarqand shahar 1-son bolalar-o‘smirlar sport maktabida Investitsiya dasturi doirasida shahar va tumanlardagi bolalar va o‘smirlar sport maktablari uchun sport jihozlari tarqatishga bag‘ishlangan tadbir bo‘lib o‘tdi.
Unda Dastur asosida qurilish-ta’mirlash ishlari amalga oshirilayotgan hamda ehtiyoji mavjud bo‘lgan Toyloq olimpiya zaxiralari kolleji, sportning o‘yin turlari va yengil atletika bo‘yicha ixtisoslashtirilgan bolalar-o‘smirlar sport maktabi, viloyat futbol mahorati maktabi (futbol akademiyasi) hamda 21 ta bolalar va o‘smirlar sport maktablariga 1 milliard 972 million so‘mlik 68 turdagi sport jihozlari va anjomlari berildi.
- Maktablar sport zallarini sport jihozlari bilan ta’minlash ham e’tiborimizda, - deydi Samarqand viloyat jismoniy tarbiya va sport boshqarmasi boshlig‘i Sh.Ro‘ziyev. – Jumladan, davlat byudjeti hisobidan 2021 yilda har bir davlat maktabgacha ta’lim tashkilotiga 2 million so‘mdan, umumta’lim maktablariga 5 million so‘mdan ajratiladi.
Ahror Shamsiyev.
