Stadionda tibbiyotchilar
O‘zbekiston Sog‘liqni saqlash xodimlari kasaba uyushmasi Samarqand viloyati kengashi tarmoq tizimidagi boshlang‘ich kasaba uyushmasi qo‘mitalari tomonidan 11 noyabr - O‘zbekiston kasaba uyushmalari kuni” va “Tibbiyot xodimlari kuni” munosabati bilan tadbirlar tashkil etilmoqda.
Jumladan, Narpay, Paxtachi, Kattaqo‘rg‘on tuman tibbiyot birlashmalari kasaba uyushma qo‘mitalari xamkorligida sohada faoliyat ko‘rsatayotgan erkak xodimlar o‘rtasida mini futbol bo‘yicha musoboqa o‘tkazildi. Musoboqa yakunlariga ko‘ra, Narpay tuman tibbiyot birlashmasi xodimlari faxrli birinchi o‘rinni egalladi.
Shuningdek, Respublika Shoshilinch tez tibbiy yordam ilmiy markazi Samarqand filiali kasaba uyushma qo‘mitasi tomonidan sohada faoliyat ko‘rsatayotgan xodimlar o‘rtasida sportning shaxmat-shashka, stol tennisi, voleybol va mini futbol turlari bo‘yicha sport musoboqasi o‘tkazilib, g‘oliblar qimmatbaho esdalik sovg‘alar bilan taqdirlandi.
Past Darg‘om tuman tibbiyot birlashmasi kasaba uyushma qo‘mitasi tomonidan ham sport musobaqasi o‘tkazildi. Voleybol (xotin-qizlar o‘rtasida) va mini futbol (erkaklar o‘rtasida) turlari bo‘yicha tashkil etilgan musobaqalar qizg‘in bahslarga boy bo‘ldi.
Tashkil etilgan ushbu sport musoboqalarida 600 dan ziyod kasaba uyushma a’zolari ishtirok etdi.
Sport musoboqalaridan tashqari Samarqad davlat tibbiyot universiteti huzuridagi Mikrobiologiya virusologiya yuqumli va parazitar kasalliklar ilmiy tekshirish instituti boshlang‘ich kasaba uyushma qo‘mitasi tomonidan 50 nafar faol kasaba uyushmasi a’zolarining Buxoro viloyatiga bir kunlik turistik sayohati uyushtirildi.
