Стадионда тиббиётчилар
Ўзбекистон Соғлиқни сақлаш ходимлари касаба уюшмаси Самарқанд вилояти кенгаши тармоқ тизимидаги бошланғич касаба уюшмаси қўмиталари томонидан 11 ноябрь - Ўзбекистон касаба уюшмалари куни” ва “Тиббиёт ходимлари куни” муносабати билан тадбирлар ташкил этилмоқда.
Жумладан, Нарпай, Пахтачи, Каттақўрғон туман тиббиёт бирлашмалари касаба уюшма қўмиталари хамкорлигида соҳада фаолият кўрсатаётган эркак ходимлар ўртасида мини футбол бўйича мусобоқа ўтказилди. Мусобоқа якунларига кўра, Нарпай туман тиббиёт бирлашмаси ходимлари фахрли биринчи ўринни эгаллади.
Шунингдек, Республика Шошилинч тез тиббий ёрдам илмий маркази Самарқанд филиали касаба уюшма қўмитаси томонидан соҳада фаолият кўрсатаётган ходимлар ўртасида спортнинг шахмат-шашка, стол тенниси, волейбол ва мини футбол турлари бўйича спорт мусобоқаси ўтказилиб, ғолиблар қимматбаҳо эсдалик совғалар билан тақдирланди.
Паст Дарғом туман тиббиёт бирлашмаси касаба уюшма қўмитаси томонидан ҳам спорт мусобақаси ўтказилди. Волейбол (хотин-қизлар ўртасида) ва мини футбол (эркаклар ўртасида) турлари бўйича ташкил этилган мусобақалар қизғин баҳсларга бой бўлди.
Ташкил этилган ушбу спорт мусобоқаларида 600 дан зиёд касаба уюшма аъзолари иштирок этди.
Спорт мусобоқаларидан ташқари Самарқад давлат тиббиёт университети ҳузуридаги Микробиология вирусология юқумли ва паразитар касалликлар илмий текшириш институти бошланғич касаба уюшма қўмитаси томонидан 50 нафар фаол касаба уюшмаси аъзоларининг Бухоро вилоятига бир кунлик туристик саёҳати уюштирилди.
