TDAU Samarqand filiali talabasi "Mirzo Ulug‘bek vorislari" respublika tanlovi g‘olibi bo‘ldi

Tanlovda Toshkent davlat agrar universiteti Samarqand filiali agrobiologiya fakulteti 2-bosqich talabasi Azizbek Abdullayev dorivor hisoblangan artishok o‘simligini lalmi yerlarda yetishtirish va undan farmatsevtika sohasida keng foydalanish loyihasi bilan ishtirok etdi va g‘oliblikni qo‘lga kiritdi.

- Tanlov 100 ballik tizimda baholandi, men 85,25 ball to‘pladim, - deydi Azizbek Abdullayev.

G‘oliblar bazaviy hisoblash miqdorining 20 baravari miqdorida pul mukofoti va diplom bilan taqdirlandi.

Shuningdek, respublika bosqichi g‘oliblari iste’dodli yoshlarni qo‘llab-quvvatlash “Ulug‘bek” jamg‘armasi tomonidan tashkil etiladigan maqsadli o‘quv kurslarida bepul tahsil oladi.