Tibbiyot xodimlarini xizmat majburiyati bo‘lmagan ishlarga jalb qilish taqiqlanadi
Prezident farmoniga ko‘ra, tibbiyot xodimlarini quyidagilarga jalb qilish taqiqlanadi:
➖ Tibbiyot xodimlarini xizmat majburiyati bilan bog‘liq bo‘lmagan barcha turdagi ishlarga jalb qilish;
➖ tibbiyot xodimlarini ularning kasbiy faoliyati bilan bog‘liq bo‘lmagan yig‘ilishlar va boshqa tadbirlarga jalb qilish.
Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, tuman va shahar hokimlari, boshqa davlat organlari hamda tashkilotlari rahbarlari mazkur talablar buzilgan hollarda tegishli javobgarlikka tortilishi haqida qat’iy ogohlantiriladi. Aybdor shaxslarning javobgarlikka tortilishini ta’minlashni Bosh prokuratura hamda Bandlik va mehnat munosabatlari vazirligi nazoratga oladi.
Bundan tashqari, hujjatga binoan ish beruvchilarning xodimlari tibbiy tekshiruvlardan o‘tishidagi mas’uliyati orttirilgan hamda mehnat sharoitlarini maxsus baholash tizimini joriy qilish shartlari ham qayd etilgan.
Tizimda “Korrupsiyasiz soha” loyihasini amalga oshirish ko‘zda tutilgan.
