Tomayrotda o‘quv - taktik mashg‘ulotlar o‘tkazildi

Payariq tumanida «Odamlar o‘rtasida Qrim-Kongo gemorragik isitma kasalligi tarqalishining oldini olishda tegishli xizmatlarning hamkorlikdagi harakatlari» mavzusida  ko‘rgazmali maxsus o‘quv-taktik mashqi bo‘lib o‘tdi.

Tumanning Tomayrot mahallasida viloyat DSNEM, Favqulodda vaziyatlar, sog‘liqni saqlash, veterinariya boshqarmalari xodimlari ishtirokida o‘tkazilgan mazkur tadbirda Qrim-Kongo kasalligining ham odamlarda, ham hayvonlarda kelib chiqish sabablarini o‘rganish, uning profilaktikasi va oqibatlarini bartaraf etish borasida fuqarolarga tushuncha berildi.

Shuningdek, mutaxassislar tomonidan gumon qilingan bemor yoki hayvonlar aniqlanganda kasallikni farqlay olish, favqulodda vaziyat haqida tegishli xizmatlarga ma’lumot berish, kasallik o‘chog‘ida birlamchi zararsizlantirish choralarini o‘tkazish kabi o‘quv-taktik  mashg‘ulotlar namoyish etildi.

Tadbirda ishtirok etgan har bir boshqarmalar xodimlarining kutilmagan vaziyatda o‘z vazifalarini qay darajada bajara olishi, o‘zaro hamkorlikda harakat qilishga shayligi ko‘zdan kechirildi.

D.TO‘XTAYeV.