Toyloqda fermer xo‘jaligining yer maydonini sotmoqchi va egallab olmoqchi bo‘lgan shaxslar ushlandi
Bosh prokuratura huzuridagi Departamentning Toyloq tuman bo‘limi tomonidan tezkor tadbir o‘tkazildi.
Tergovga qadar tekshiruvda, “L.Z.” fermer xo‘jaligi ish yurituvchisi A.T. 9 nafar fuqaroga xo‘jalikning jami 54 sotix sug‘oriladigan yer maydonini egalik qilish huquqini beruvchi qaror chiqartirib berishga ishontirib, 46,5 mln so‘mga sotib yuborganligi, shuningdek, fuqaro T.A. o‘zboshimchalik bilan egallangan 6 sotix yer maydonida uy uchun poydevor qurganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) va 229-1-moddasi (yer uchastkalarini o‘z boshimchalik bilan egallab olish) bilan jinoyat ishi qo‘zg‘atilib, tergov harakatlari o‘tkazilmoqda.
