YPX xodimlariga narkotesterdan foydalanishga ruxsat berildi
Haydovchining giyohvandlik va psixotrop moddalar ta’sirida ekanligini aniqlashda narkotesterdan foydalaniladi. Bu bo‘yicha tegishli qonun qabul qilindi.
Vazirlar Mahkamasining qarori bilan Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi nizomga o‘zgartirish va qo‘shimchalar kiritildi.
Xususan, o‘zgartirish va qo‘shimchalar quyidagilarni nazarda tutadi:
➖ transport vositalari haydovchilarining giyohvandlik vositalari yoki psixotrop moddalar iste’mol qilganligi holatini aniqlashda narkotester maxsus moslamasidan foydalanish;
➖narkotester maxsus moslamasi yordamida transport vositalari haydovchilarining giyohvandlik vositalari yoki psixotrop moddalar iste’mol qilganligi aniqlangan hollarda yo‘l-patrul xizmati xodimlari tomonidan amalga oshirilishi lozim bo‘lgan harakatlar algoritmi.
