Avtomobillardan pul o‘g‘irlashda gumon qilinayotgan yigitlar ushlandi

Joriy yilning 21 va 22 noyabr kunlari huquq tartibot organlariga ikki fuqaro «Malibu» egasi Joxar L. avtomashinasidan 11 million 200 ming so‘m yo‘qolgani va «Epika» egasi Laziz A. shaxsiy buyumlari va hujjatlari yo‘qolgani yuzasidan murojaat qilishgan.

Shundan so‘ng huquq tartibot organlari tomonidan JKning 169-moddasi (o‘g‘irlik) bilan jinoyat ishi qo‘zg‘atilib, tekshiruv ishlari boshlangan.

Tezkor tadbirlar natijasida barcha videokameralar kuzatilgan va gumonlanuvchilar aniqlangan.

Ular “Kaptiva” avtomashinasida harakatlanib yurgan, Andijon viloyatidan kelgan 24 yoshli Mansurjon Mansurov va Afzal Lutfiyev, shuningdek, 22 yoshli Xurshidbek Shamshiddinov ekanligi aniqlangan.

Hozirda ularning boshqa shunga o‘xshash holatlarga ham aloqasi bor yoki yo‘qligi o‘rganilmoqda, deya xabar qildi poytaxt IIBB.