Булунғурда сайёр давлат хизматлари кўрсатилади

Давлат хизматлари агентлиги Самарқанд вилояти бошқармаси ҳамда Булунғур тумани давлат хизматлари маркази ходимлари шу йилнинг 26 октябрь куни соат 09:00 дан соат 14:00 га қадар тумандаги Саховат маҳалласида фуқароларга сайёр тартибда давлат хизматлари кўрсатади.

Сайёр қабулда:

- электр энергиясини ҳисобга олиш тизимини пломбалаш ва электр таъминоти шартномасини тузиш;

- фуқарони жамғариб бориладиган пенсия тизимида ҳисобга қўйиш;

- тадбиркорлик субъектларини рўйхатдан ўтказиш;

- жисмоний шахсларнинг солиқ қарзи мавжуд ёки мавжуд эмаслиги тўғрисида маълумотнома бериш.

- жисмоний шахслар учун солиқ тўловчининг идентификацион рақамини (СТИР) олиш;

- давлат мактабгача таълим ташкилотларига ариза олиш ва жойлаштириш учун йўлланмалар бериш ҳамда бошқа давлат хизматлари кўрсатилади.

Давлат хизматлари агентлиги Самарқанд вилояти бошқармаси ахборот хизмати.