Бухородаги бозорда бир қатор дўконлар ёниб кетди (фото)
Бухоро шаҳридаги марказий бозорида («Колхоз» бозор) жойлашган бир қатор дўконларнинг ёниб кетгани ҳақида «Подслушано в Бухаре» Telegram- канали хабар берди.
Маълум бўлишича, тунги вақтда кондиционернинг ёқиб қўйиб кетилгани ёнғинга сабаб бўлган. Эҳтиётсизлик туфайли 5 та дўкон зарар кўрган.
"Ҳурматли ишбилармонлар, тадбиркорлар ва нафақат, эҳтиёт бўлинг! Ёнғинга қарши хавфсизлик қоидаларига риоя қилинг", - дея огоҳлантирган Ёнғин хавфсизлиги бошқармаси.
