Eronda yunon-rum kurashi chempioni qatl etildi
Eronda mamlakatning yunon-rum kurashi chempioni Navid Afkari qatl etildi. Bu haqda Associated Press xabar berdi.
Afkari 2018 yilda hukumatga qarshi namoyishlarda ishtirok etgani uchun o‘lim jazosiga hukm qilingan edi. Shuningdek, sportchi mamlakatda amaldagi tizimni ag‘darish uchun maxsus guruhlar tashkil etganlikda ham ayblangan.
Sportchini avf etishni so‘rab, UFC rahbari Deyna Uayt va AQSh prezidenti Donald Tramp Eron hukumatiga murojat qilgan edi. Biroq Eron hukumati jazoni ijro etdi.
