АҚШ ва Эрон вакиллари тўғридан-тўғри алоқаларни тиклагани айтилмоқда

Аббос Ароқчи Стив Уиткоффга урушни тўхтатиш масаласига урғу берилган матнли хабарлар юборган.

Axios маълумотига кўра, сўнгги кунларда Эрон ташқи ишлар вазири Аббос Ароқчи ва АҚШ президентининг махсус вакили Стив Уиткофф ўртасида тўғридан-тўғри мулоқот қайта йўлга қўйилган.

Хабарда айтилишича, сўнгги бир неча кун ичида улар ўртасида алоқа канали қайта ишга тушган. Ҳозирча алмашилган хабарлар қанчалик мазмунли бўлгани номаълум. Аммо бу тахминан икки ҳафта олдин бошланган урушдан кейинги биринчи алоқадир.

Манбаларга кўра, Аббос Ароқчи Стив Уиткоффга юборган хабарларида асосий эътиборни урушни тўхтатишга қаратган.

Таъкидлашнича, АҚШ Эроннинг репарациялар тўлаш ҳақидаги талабларини рад этмоқда. Шу билан бирга, Вашингтон маъмурияти Эрон билан шундай келишувга тайёр экани айтилмоқдаки, у республикага жаҳон ҳамжамиятига интеграциялашиш ва нефтидан даромад олиш имконини беради.

Аввалроқ Дональд Трамп Теҳрон ва Вашингтон ўртасида мулоқот давом этаётганини билдирганди. Унинг сўзларига кўра, Эрон томони келишувга эришишга интилмоқда.