Гавҳар Зокирова: Фаррух акамнинг номи у ерда туриши англашилмовчилик

Бўлаётган тўполонлар сабаб Зокировлар оиласининг вакили, Ўзбекистон халқ артисти Гавҳар Зокирова билан уландик. Опанинг рус тилига расмий мақом берилиши борасидаги хатдан ва бу хат остига хайрихоҳ инсон сифатида Фаррух Зокировнинг номи турганидан хабари йўқ экан.

Гавҳар опа ажабланиб шундай дейди: “Аввало бу мутлақ мантиққа зид. Мен барча миллатлар ва уларнинг она тилини ҳурмат қиламан. Лекин давлат тили битта бўлади, бу ҳам бўлса она тилидир. Фаррух акамнинг номи у ерда туриши, бу англашилмовчилик, холос. Мен бунга ишонаман. У киши ҳозир сафардалар. Қайтганларидан сўнг, албатта, ўзлари ойдинлик киритадилар. Фақат халқимиздан илтимос, ҳукм чиқаришга шошилманг”.