Андроид қурилмалар учун Zarnews.uz мобил иловаси. Юклаб олиш x

ИИВ ва UZCARD огоҳлантиради: Фирибгарлардан эҳтиёт бўлинг!

Сўнгги вақтларда фирибгарлик ҳолатлари тез-тез қулоққа чалинмоқда. Шу сабабли сизларни ҳушёрликни оширишга чақирамиз.

Ўзингизни фирибгарлардан ҳимоя қилиш учун қуйидаги тавсияларимизга қатъий риоя қилишингизни сўраймиз:

- Ўз картангиз PIN-кодини бегоналарга айтманг;

- Текшириш учун SMS тасдиқ кодини ҳеч кимга кўрсатманг;

- Шубҳали шахсларга пул ўтказманг;

- Ижтимоий тармоқларга 16 хонали рақамлари кўриниб турган картангиз суратини жойлаштирманг.

Uzcard ёки банклар карта рақамини, ПИН-кодни ёки SMS бўйича тасдиқлашни билиш учун ҳеч қачон мижозларга қўнғироқ қилмайди.

Фирибгарлар турли нарсаларни баҳона қилиб, ўзларини банк ёки Uzcard ходимлари бўлиб таништиришлари мумкин. Уларнинг мақсади картангиздан пулларни ечиб олиш. Агарда сизга бундай қўнғироқ келиб тушган бўлса, эътибор берманг.

Пластик карталардан фойдаланиш янада хавфсиз ва техник жиҳатдан мукаммал жараёнга айланиб бормоқда. Лекин фирибгарлар таслим бўлмаяпти. Улар инсонларнинг ишончларидан ва карталарни ишлатишнинг асосий қоидаларини билмасликларидан фойдаланишмоқда.

Банклар ва қонунни муҳофаза қилувчи органлар мунтазам равишда эҳтиётсизлик оқибатида пулидан маҳрум бўлган фуқаролардан аризаларни қабул қилмоқда. Фирибгарлар қандай усуллардан фойдаланишлари ва уларнинг тузоғига қандай қилиб тушмасликни сизга тушунтириб ўтамиз: