Журналистлар Самарқанд шаҳридаги туннель қурилишини бориб кўрди (фото)

Самарқанд шаҳрида ташкил этилган пресс-тур иштирокчилари Бўстонсарой ва Рудакий кўчалари кесишмасида барпо этилаётган транспорт туннели қурилиши билан танишди.

- Лойиҳа қиймати 67,7 миллиард сўм бўлган мазкур туннелни қуриш ишлари «Ўзбекистон темир йўллари» АЖнинг «Кўприкқурилиш» трести унитар корхонаси томонидан амалга оширилмоқда, - дейди шаҳар ҳокимлиги мутахассиси Феруз Нажмиддинов. - Туннелдаги йўл ўтказгичнинг умумий узунлиги 534 метрни ташкил этади. Шунингдек, Бўстонсарой кўчаси бўйлаб кенглиги 6 метр, баландлиги 3 метр бўлган пиёдалар ер ости ўтиш йўлаги қурилади. Рўдакий кўчаси бўйлаб ўтган трамвай йўли ҳам туннель остидан ўтади.

Қурилиш ишлари муносабати билан иккинчи - «Темирйўл вокзали - Сиёб бозори» йўналишида трамвайларнинг қатнови вақтинча тўхтатилган.