Навоий вилоятида сел оқибатида 300 нафар фуқаро хавфсиз ҳудудга эвакуация қилинди

Бугун, 13 май куни тахминан соат 02:30 дан 04:30 гача бўлган вақт оралиғида Навоий вилоятининг Зарафшон шаҳрида кучли ёғингарчилик сабабли сел келиши кузатилган. Бирламчи маълумотларга кўра, сел оқибатида 4 хонадон қисман зарар кўрган.

Вазият юзасидан Навоий вилояти фавқулодда вазиятлар бошқармасининг 9 та техникаси ва 70 нафар шахсий таркиби зудлик билан воқеа жойига етиб бориб, 300 нафар фуқарони хавфсиз ҳудудга эвакуация қилди.

Ўз вақтида кўрилган тезкор чоралар натижасида фуқароларнинг ҳаёти сақлаб қолинди, деб хабар берди ФВВ матбуот хизмати.