Оёқ кийимига 40 минг долларни яширган шахс ушланди
Андижон вилояти божхона бошқармаси «Дўстлик» чегара божхона пости орқали қўшни мамлакатга пиёда чиқиб кетаётган фуқаронинг ёнидан катта миқдордаги хориж валютаси борлиги аниқланди. Бу ҳақда Давлат божхона қўмитаси ахборот хизмати хабар берди.
Текширув натижаларига кўра, унинг оёқ кийимларининг ҳар бир пойида 20 000 АҚШ долларидан – жами бир жуфт оёқ кийимда 40 000 АҚШ доллари устамонлик билан яширилгани аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
