Андроид қурилмалар учун Zarnews.uz мобил иловаси. Юклаб олиш x

Пойтахтда музлама сабаб 6 та автомобиль иштирокида йўл-транспорти ҳодисаси содир бўлди

Тошкентда музлама сабаб 6 та автомобиль олдинма-кетин тўқнашди.

Маълум қилинишича, 22 январь куни соат 17:00 атрофида, Тошкент шаҳар, Юнусобод тумани, Янги Юнусобод кўчасида жойлашган кафе рўпарасида, ҳайдовчи Х.Х. «Нексия-2» русумли автомобилда ҳаракатланаётиб тезликни пасайтирган вақтида унинг ортидан келаётган С.Н. бошқарувидаги «Нексия-3» русумли, Н.Р. бошқарувидаги «Эпика» русумли, М.С. бошқарувидаги «Нексия-2» русумли, А.В. бошқарувидаги «Матиз» русумли, И.Р. бошқарувидаги яна бир «Матиз» русумли автомобиль иштирокида олдинма-кетин тўқнашув содир бўлган.

Тўқнашув оқибатида тан жароҳати олганлар йўқ. Мазкур ҳодиса юзасидан Тошкент шаҳар ИИБ йўл ҳаракати хавфсизлиги бошқармаси томонидан суриштирув ишлари олиб борилмоқда.