Samarqand shahrida sodir bo‘lgan YTH oqibatida "Nexia" yonib ketdi
Viloyat YHXB xabariga ko‘ra, bugun, 4 sentyabr kuni soat 9:50 lar atrofida Samarqand shahar Bo‘stonsaroy ko‘chasida «Nexia-2» avtomashinasi yo‘lning o‘ng tomonida yoqilg‘isi tugab to‘xtab turgan «Volga»ning orqa qismiga kelib urilishi oqibatida YTH sodir etgan.
Oqibatda «Nexia-2»da yong‘in sodir bo‘lgan. Yong‘in zudlik bilan Samarqand shahar FVB xodimlari tomonidan bartaraf etilgan. Holat oqibatida tan jarohati olgan va vafot etganlar yo‘q. Holat yuzasidan dastlabki surishtiruv ishlari olib borilmoqda.
