Андроид қурилмалар учун Zarnews.uz мобил иловаси. Юклаб олиш x

Қўшработда асоссиз бўшатилган кутубхоначи ишга тикланди

Жорий йилнинг 12 ноябрь куни Қўшработ туман адлия бўлимига Пичот маҳалласи, Ободсой қишлоғида яшовчи фуқаро Сарвиноз Саматова мурожаат қилди.

Унинг маълум қилишича, туман ахборот-кутубхона маркази ўртасида у билан тузилган меҳнат шартномаси ноқонуний бекор қилинган.

Мурожаатни ўрганиш давомида фуқаро С.Саматова билан тузилган меҳнат шартномаси 2020 йил 2 март куни бекор қилинганлиги аниқланди. Меҳнат шартномасини бекор қилишда Меҳнат кодексининг 100, 102-моддалари талаблари бузилган.

Ўрганиш натижасига кўра, туман ахборот-кутубхона марказига қонун ҳужжатларининг бузилиши, уларнинг сабаблари ва бунга олиб келувчи шарт-шароитларни бартараф этиш тўғрисида тақдимнома киритилди. Натижада марказнинг 2020 йил 10 декабрдаги 42-сонли буйруғига асосан С.Саматова ахборот коммуникация технологиялари ёрдамчи мутахассиси вазифасига ишга тикланди.

Қўшработ туман адлия бўлими.