Андроид қурилмалар учун Zarnews.uz мобил иловаси. Юклаб олиш x

СамВМИ талабаси халқаро турнир ғолиби бўлди

Яқинда Озарбайжон Республикасининг Боку шаҳрида ўтказилган аралаш жанг санъати бўйича (ММА) халқаро турнирда Самарқанд ветеринария медицинаси институти талабаси Умиджон Тоштемиров 65 килограмм вазн тоифасида 1-ўринни қўлга киритди.

Ушбу халқаро турнирда Мустақил Давлатлар Ҳамдўстлиги мамлакатларидан турли вазн тоифаларида вакиллар иштирок этди.

У.Тоштемиров турнирнинг ҳал қилувчи жангида Озарбайжон шарафини ҳимоя қилган (асли қирғизистонлик) Жонибекулли Канибекни (3:1 ҳисобида) мағлуб этди.

СамВМИ ахборот хизмати.