Android qurilmalar uchun Zarnews.uz mobil ilovasi. Yuklab olish x

Rossiya o‘rmonida ommaviy dafn etilgan muhojirlar qabri aniqlandi

Yakutskda mahalliy parrandachilik fermasi yaqinidagi o‘rmonda noqonuniy qabrlar topildi. Ro‘yxatdan o‘tmagan qabrlarda besh nafar muhojir ko‘milgani ma’lum bo‘ldi. Ikki nafar marhumning shaxsi aniqlandi. Bu haqda Rossiya tergov qo‘mitasi (TQ) boshqarmasi saytida ma’lum qilindi.

Qolgan marhumlarning shaxsi tergov xodimlari tomonidan aniqlanmoqda. Shuningdek, muhojirlarning o‘limi va noqonuniy dafn etilishi sabablari ham o‘rganilmoqda.

Dafn etilgan ikki muhojirning biri Tojikiston, ikkinchisi Qirg‘iziston fuqarosi ekanligi ma’lum qilindi.