Samarqand viloyati pillakorlari kuzgi takroriy pilla yetishtirish shartnomaviy majburiyatini uddaladi

Viloyatimizning fidokor pillakorlari kuzgi takroriy, 3-4 mavsumda pilla xom ashyosi yetishtirish uchun 7140 quti ipak qurtini yuqori agrotexnik talablar asosida parvarish qilishdi.

3-mavsumda 3919 qutidan 156,9 tonna va 4-mavsumda 3221 qutidan 129,4 tonna, jami 286,3 tonna pilla yetishtirib, shartnomaviy majburiyatlarini uddaladi. O‘rta hisobda pillakorlarimiz har bir qutidan 40-41 kilogramdan hosil olishga erishdi.

Viloyat hokimligi pilla yetishtirishda o‘z hissasini qo‘shgan barcha fermer xo‘jaliklarining rahbar-xodimlariga, pillachilarimizga o‘zining minnatdorchiligini bildiradi.

Samarqand viloyati hokimligi axborot xizmati.