1 мартдан бошлаб Қувайтдан Самарқандга тўғридан-тўғри авиарейс йўлга қўйилади

Қувайтнинг "Жазеэра Аирвайс" авиакомпанияси Ал-Қувайт ва Самарқандни тўғридан-тўғри рейслар билан боғлайди. Ал-Қувайт — Самарқанд — Ал-Қувайт йўналиши бўйича мунтазам парвозлар Аирбус А320 самолётларида амалга оширилиши режалаштирилган. Биринчи парвоз эса 2023 йил 1 мартга мўлжалланган.
Мунтазам йўловчи қатновлари ҳафтасига икки марта — чоршанба ва якшанба кунлари амалга оширилади.

Эслатиб ўтамиз, Жазеэра Аирвайс Ўзбекистонга парвозларни 2021 йилда бошлаган. Қувайтдан Тошкентга мунтазам йўловчи қатновлари ҳафтасига уч марта — душанба, сешанба ва шанба кунлари амалга оширилади. Қувайтдан Наманганга — душанба, чоршанба ва жума кунлари.
"Жазеэра Аирвайс" Қувайтнинг иккинчи миллий авиакомпанияси бўлиб, штаб-квартираси ўз терминалига эга халқаро аэропортда жойлашган ва арзон нархлардаги ҳаво саёҳатларига ихтисослашган.