36 марта қоидабузарлик содир этган ҳайдовчи салкам 36 миллион сўм жаримага тортилди

Тошкент шаҳридан рўйхатдан ўтган “Lacetti” автомобили ҳайдовчиси жорий йилнинг ўтган 10 ойи мобайнида вилоят ҳудудида тезлик билан боғлиқ 36 марта қоидабузарлик содир этган.

Ҳайдовчи (5.22 йўл белгиси) аҳоли яшаш пунктида чекланган тезлик 70 км/с. бўлишига қарамасдан, ушбу ҳудуддан юқори тезлиги 140 км/с., паст тезлиги 80 км/с. билан ҳаракатланган.

Тезликни 36 марта меъёридан ошириш 35 457 000 сўм жарима тўлашга сабаб бўлган.  Бу ҳақда Ички ишлар вазирлиги Йўл ҳаракат хавфсизлиги бош бошқармаси ахборот хизмати хабар берди.

Шу каби Қашқадарё ва Самарқанд вилоятидан рўйхатдан ўтган “Nexia” автомобиллари ҳам аҳоли яшаш жойидан 100 км/с.дан кам бўлмаган тезликда ҳаракатланиб, 12 мартадан қоида бузган.

Ҳолатлар юзасидан электрон баённомалар ҳайдовчилар манзилларига юборилган.