Абдураҳмон Жомий кўчасида транспорт воситаларининг ҳаракати вақтинча чекланади
Абдураҳмон Жомий кўчаси
Самарқанд шаҳридаги Абдураҳмон Жомий кўчасини Университет хиёбонидан Мирзо Улуғбек кўчасигача бўлган қисмида реконструкция ва мукаммал таъмирлаш ишларини олиб бориш режалаштирилган.
Шу муносабат билан ушбу кўчанинг қурилиш ишлари олиб бориладиган қисмида иш якунлангунга қадар транспорт воситаларининг ҳаракати вақтинча чекланади. Бу ҳақда Самарқанд шаҳар ҳокимлиги ахборот хизмати хабар бермоқда.
Айни пайтда кўчага асфальт ётқизиш ишлари олиб бориляпти. Транспорт воситаларининг ҳаракати эса вақтинча Маҳмуд Кошғарий кўчаси орқали амалга оширилади.
