Америка қўшини Германиядан чиқиб кетяпти, ўқотар қурол савдоси эса рекорд даражада

Америка президенти НАТОга аъзолик бадалини кам тўлаётгани учун бундан кейин Германияни бошқа ҳимоя қилмаслигини маълум қилди.Кимдан ҳимоя қилмаслиги ҳақида эса лом-мим демади. 

Трамп Германиядан 12 минг ҳарбийларни олиб чиқишга буйруқ берди. Шундан кейин улар Бельгия ва Италияга жойлаштирилади. Қолгани АҚШга қайтади, аммо Европа бўйлаб “хатарли нуқта”ларда кезиб юради. 

*** 

2020 йилнинг ўтган 6 ойи мобайнида АҚШда ўқотар қурол савдоси рекорд кўрсаткич - 10,3 миллионтани ташкил этди. Бу ҳақда ўқ отиш спорти Миллий жамғармаси маълум қилди. 

Унда қайд этилишича, қурол сотиш 2019 йилга нисбатан 95 фоизга, ўқ-дори сотиш эса 139 фоизга етган. Харидорларнинг ярмидан кўпи (58,8 фоизи) оқ танли эркаклардир, аммо энг кўп ўсиш афроамерикаликлар ҳиссасига тўғри келади. 

 “АиФ” ҳафтаномаси (2020 йил, 32-сон)дан Т.Мурод тайёрлади.