Баҳром Ашрафхонов Ўзбекистоннинг Грузиядаги элчиси бўлди
Ўзбекистоннинг Озарбайжондаги фавқулодда ва мухтор элчиси Баҳром Ашрафхонов мамлакатнинг Грузиядаги элчиси (қароргоҳи Баку шаҳрида) бўлди. У 6 сентябрь куни Грузия президенти Саломе Зурабишвилига ишонч ёрлиқларини топширди, дея хабар қилди ТИВ матбуот хизмати.
Суҳбат чоғида Грузия президенти Саломе Зурабишвили Ўзбекистон президенти Шавкат Мирзиёевга энг яхши тилаклари ва ниятларини етказишни сўради, дейилади хабарда.
Баҳром Ашрафхонов 2020 йил апрелидан буён Ўзбекистоннинг Озарбайжондаги элчиси ҳисобланади. 2016-2018 йилларда у мамлакатнинг Россиядаги элчиси бўлган.
