Цезарь, Оливье, Наполеон...
Машҳур одамлар шарафига аталган таомлар. Улар қандай яратилган?
Машҳур кишилар номи билан аталган мазали таомлар кўп. Айтиш мумкинки, бу таомлар уларни машҳур қилди.
“Оливье” салати
Эҳтимол, дастурхонимиздаги энг машҳур таом Оливье салатидир. Оливье Люсьен (французчаLucien Olivier) франциялик ошпазнинг исми бўлиб, ўзининг бу салатини у биринчи марта 1860 йилда Москвадаги ресторан очилишида оммага тақдим этган. Дастлаб, салат рецепти сир сақланиб келинган ва ўнлаб йиллар ўтгач, кенг оммага маълум бўлди ва яратувчиси шарафига ўз номини бериб, уни дунёга машҳур қилди.
«Цезарь» салати
Цезарь салатининг тарихи 1924 йилда италиялик муҳожир Цезарь Кардини Мексиканинг Тихуана шаҳрида ресторан очган пайтдан бошланди. У АҚШдан Мексикага келган америкалик сайёҳларни жалб қилиш учун уни яратди. Ўшанда салат шу қадар машҳур бўлган эдики, Кардини кейинчалик ўзининг Беверли-Хиллздаги ресторанининг асосий таомномасига киритди ва у ерда ҳам катта муваффақият билан кутиб олинди.
Кардини қандай қилиб салат рецептини ўйлабчиққани ҳақида бир нечта тахминлар мавжуд. Уларнинг бири муаллиф ресторанга келиб бирор бир янги таомни татимоқчи бўлган бир гуруҳ Голливуд юлдузлари учун музлаткичидаги бор нарсани, жумладан, салат барглари, ёғ, лимон шарбати, туз, қалампир, саримсоқ, майдаланган пишлоқ ва қотирилган нондан фойдаланиб, яратгани ҳақида гапирилади.
“Маргарита” пиццаси
Италиялик ошпаз Раффаэле Эспозито юпқа хамир, помидор соуси, моццарелла пишлоғи ва ялпиздан иборат пицца яратди. Айтиш керакки, бу маҳсулотлар барчасининг қизил, оқ ва яшилранглари Италия байроғини ифодалайди.
Ўз навбатида, 1878 йилдан 1900 йилгача Италия маликаси ва Италия қироличаси бўлган Қиролича Маргарита бу таомни жуда яхши кўрар эди. Шу сабабли пицца унинг номини олди. Ўшандан бери Маргарита пиццаси дунёдаги энг машҳур итальян таомига айланди.
“Наполеон” торти
Ушбу тортнинг тарихи 1812 йилда, Франция ва Россия урушаётган ва икки давлат қуролли кучлари шиддатли жангларда қатнашган пайтда бошланган. Бу даврда император Наполеон Бонапарт рус ошхонаси, хусусан, ширинликлари ва пишириқлари билан қизиқиб қолди.
“Наполеон” тортини яратиш ғояси россиялик қандолатчи ва ошпаз Андрей Марьяновичга келган деб ишонилади. У француз ва рус ошхонасини бирлаштириб, янги торт яратишга қарор қилди. Шу тарзда юпқа қатламларида шакар кукуни, сариёғ ва қуюлтирилган сутдан тайёрланган крем ёйилган Наполеон торти дунё юзини кўрди.
Икки давлат ўртасидаги тинчлик туҳфаси сифатида тортиқ қилинган “Наполеон” ҳозирги кунгача байрам тадбирлари ва гастрономик экзотика рамзи бўлиб келмоқда.
Баҳора Муҳаммадиева тайёрлади.
