Эрдўғон: Путин ва Зеленский «ҳозирча икки томонлама учрашувга тайёр эмас»
Туркия президенти Режеп Таййиб Эрдўғон Хитойга қилган ташрифи давомида журналистларга Россия президенти билан Украинадаги урушни тугатиш йўлларини муҳокама қилганини билдирди.
Эрдўғон, шунингдек, Украина раҳбари Владимир Зеленский билан телефон орқали суҳбатлашганини, аммо тарафлар «ҳозирча икки томонлама музокараларга тайёр эмаслиги»ни айтди.
Туркия президентининг таъкидлашича, Анқара «музокаралар даражасини босқичма-босқич ошириш» тарафдори.
19 августда Вашингтонда Европа етакчилари иштирокида ўтган музокаралардан сўнг АҚШ президенти Дональд Трамп кейинги қадам Украина ва Россия президентларининг учрашуви бўлиши кераклигини билдирди.
Зеленский Путин билан исталган вақтда учрашишга тайёр эканини таъкидлаб келмоқда. Аммо Россия бир неча бор бундай музокаралар учун аввал ўт очишни тўхтатиш шартлари ва тинчлик йўлларини келишиб олиш зарурлигини билдирган.
Москва ҳеч қандай имтиёзлар беришга ёки асосий талабларидан воз кечишга тайёр эмаслиги баёнотларидан маълум, бу эса Украина учун қабул қилиб бўлмайдиган шарт бўлиб қолмоқда.
