Франциянинг «Le Monde» газетасида Самарқанднинг хавфсиз туризм хизмати эътироф этилди
Францияда чоп этиладиган «Le Monde» газетасида «Ўзбекистон янги мўъжизакор бойликлар мамлакатими?» сарлавҳаси билан мақола чоп этилди. Чарлотте Хервот ёзган ушбу мақолада мамлакатимиз ҳукумати томонидан туризмни ривожлантириш учун катта эътибор қаратилаётгани, Ўзбекистоннинг сайёҳлик потенциали ўсиб бораётгани эътироф этилган. Шунингдек, Ички ишлар вазирлиги бўлинмаларида хавфсиз сайёҳлик тизими йўлга қўйилгани хусусида фикр билдирилган. Хусусан, Самарқанддаги хавфсиз сайёҳлик хизмати ходимларининг саъй-ҳаракатлари туристлар оқимининг кўпайишига муносиб улуш қўшаётгани таъкидланган.
