Икки кунда 457 нафар абитуриент тест синовларида қатнашмади
Кеча сайтимиз орқали олий таълим муассасаларида таҳсил олиш учун рўйхатдан ўтган абитуриентларнинг 310 (ҳар бир навбатда 3060 нафардан) нафари тест синовларида қатнашмагани ва 5 нафари шпаргалкадан фойдалангани учун имтиҳондан четлатилгани ҳақида хабар қилган эдик.
Бугун имтиҳонга келмаганлар сони камайди ва 147 нафар (биринчи сменада 77 нафар ва иккинчи навбатда 70 нафар) абитуриент тест синовларида иштирок этмади. Шунингдек, иккинчи сменада тестга кирган абитуриентларнинг 1 нафари шпаргалкадан фойдалангани учун имтиҳондан четлаштирилди.
Эслатиб ўтамиз, эртанги тест синовларида ҳам икки сменада жами 6120 нафар абитуриент тест топшириши режалаштирилган.
