МИБ МЧЖдан хусусий тадбиркор фойдасига 2,1 млрд. сўмлик қарздорликни ундириб берди
Самарқанд шаҳар иқтисодий судининг ижро ҳужжатига асосан қарздор “S.Х.А” МЧЖдан ундирувчи "N.G.B" хусусий корхонаси фойдасига 2,1 млрд. сўм қарздорликни ундириш юзасидан ижро ҳужжати Бюронинг Самарқанд шаҳар бўлими иш юритувига келиб тушган ва шу куннинг ўзида ижро иши юритишни қўзғатиш тўғрисида қарор қабул қилиниб, тарафларга юборилган.
Бюронинг Самарканд шахар бўлими давлат ижрочиси Сардор Шакаровга кўра, давлат ижрочилари томонидан мажбурий ижро харакатлари олиб борилгандан сўнг “S.Х.А” МЧЖ томонидан жами 2 миллиард 125 миллион сўм асосий қарздорлик ва ўз вақтида тўланмаган қарздорлик учун қўшимча ҳисобланган 39 миллион 859 минг ижро йиғимини тўлиқ тўлаб берилган.
