Нега Тошкент шаҳри беморлар сони кўплигига қарамай, "сариқ" ҳудуд бўлиб қолмоқда?

- Тошкентда март-апрель ойларида кунлик касаллар сони ҳозиргидан кам бўлса-да, қатъий карантин чоралари қўлланилган эди. Ҳозирда касаллик қайд этилган маҳалла, мавзе, даҳа ва йирик объектлар бўйича карантин чекловлари ўрнатилмоқда, - деб жавоб берди Санитария-эпидемиологик осойишталик агентлиги директорининг биринчи ўринбосари Ботир Қурбонов АОКА штабида бўлиб ўтган брифингда.

Унга кўра:

🔴 жами 513 та маҳалла фуқаролар йиғинидан 42 таси — «қизил» ҳудуд;

🟡 132 таси — «сариқ» ҳудуд;

🟢 339 таси — «яшил» ҳудудга ажратилган.

Тошкент шаҳри пойтахт эканлиги ҳисобга олиниб, аҳолининг ҳаракатларига таъсир қилмай, тадбирларни манзилли белгилаш масалалари тизимли тарзда амалга оширилмоқда.