Ниқобсиз юрганлик 1 миллион сўмдан ортиқ жаримага сабаб бўлиши мумкин

Маъмурий жавобгарлик тўғрисидаги кодекснинг 54-моддаси ниқобсиз юрганлик учун жавобгарликни назарда тутувчи қисм билан тўлдирилди. Бу ҳақда “Ҳуқуқий ахборот” каналида маълум қилинди.

Унга кўра, карантинли ва инсон учун хавфли бўлган бошқа юқумли касалликлар пайдо бўлиши ҳамда тарқалиши шароитида ваколатли органнинг махсус талабларига зид равишда жамоат жойларида ниқобсиз бўлиш БҲМнинг 5 бараваригача (1 миллион 115 минг сўм) миқдорда жарима солишга сабаб бўлади.

Қонун расмий эълон қилинган кундан эътиборан кучга киради.