Ўрамасда "Ёшлар меҳнат гузари" ишга тушди

Ургут тумани Ўрамас маҳалласида "Ёшлар меҳнат гузари" фойдаланишга топширилди.

Тадбиркор Исмоилхон Раҳматов томонидан бунёд этилган мазкур мажмуанинг қурилишига 1,5 миллиард сўм маблағ сарфланди.

- Асосий мақсадимиз маҳалладаги ишсиз ёшларнинг бандлигини таъминлаш ва уларни тадбиркорликка қизиқтириш, - дейди И.Раҳматов. - "Yoshlar - kelajagimiz" давлат дастури доирасида ташкил этилган ушбу "Ёшлар меҳнат гузари"да 6 та савдо ва маиший хизмат кўрсатиш нуқтаси ва 1 та тикувчилик цехи ишга туширилиб, 25 нафар йигит-қизнинг бандлиги таъминланди.

Маълумот ўрнида: туманда жами 7 та “Ёшлар меҳнат гузари” қурилиши режалаштирилган бўлиб, уларнинг 2 таси фойдаланишга топширилди. Қолганларида қурилиш ишлари давом этмоқда.

Ғофиржон Бобобеков.