Қўшработ тумани давлат санитария-эпидемиология назорати маркази биносини қуриш ва таъмирлашдаги талон-торожлик фош этилди
Департаментнинг Самарқанд вилоят бошқармаси тумандаги “O.S.” масъулияти чекланган жамияти томонидан Қўшработ тумани давлат санитария-эпидемиология назорати марказидаги қурилиш ишлари бўйича терговга қадар текширув ўтказди.
Текширув давомида жамият раҳбари ва бошқаларнинг туман давлат санитария-эпидемиология назорати маркази биносида амалга оширилган қурилиш ишларида ҳисоб-фактураларга амалда бажарилмаган ишларни қўшиб ёзиш орқали 281,2 миллион сўм бюджет маблағини талон-торож қилганликлари аниқланган.
Мазкур ҳолат юзасидан жамият раҳбари ва бошқаларга нисбатан Жиноят кодексининг 167-моддаси 3-қисми билан жиноят иши қўзғатилиб, тергов ҳаракатлари ўтказилмоқда.
Бош прокуратура ҳузуридаги Иқтисодий жиноятларга қарши курашиш департаменти вилоят бошқармаси ахборот хизмати.
