Қозоғистонда коронавирус оқибатида вафот этганлар уч нафарга етди

Қозоғистонда коронавирус оқибатида вафот этган учинчи бемор қайд этилди. Бу ҳақда бугун мамлакат Соғлиқни сақлаш вазирлиги ахборот хизмати маълум қилди.

Айни кунга қадар Қозоғистонда 363 нафар коронавирус ҳолати қайд этилган. Мамлакатда 16 март санасидан бошлаб фавқулодда ҳолат эълон қилинганди. Нур-Султон ва Олма-Ота шаҳарлари 19 мартдан бошлаб карантинга ёпилган.