Россиянинг Украинада эгаллаган ерлари Люксембургнинг майдонига тенг
Россия армияси Люксембург катталигидаги Украина ҳудудини 7 ой ичида эгаллаб олди.
Bild маълумотларига кўра, 2025 йил бошидан бери Россия Украина ҳудудининг 2395 километр квадратини эгаллаб олган. Таққослаш учун: бутун Люксембургнинг майдони 2586 км².
Бутун 2024 йил давомида эса Россия Федерацияси 3388 километр квадрат майдонни эгаллаган эди. Бу жорий йилда ҳужум қамрови ошганини англатади.
Кузатувчилар фикрича, яқин келажакда Украинага катта миқдордаги “шаҳидлар” ёрдамида янги катта зарба берилиши мумкин. Ҳисоб-китобларга кўра, Россия деярли бир ҳафта давомида оммавий ҳужумларни амалга оширмагани учун аллақачон 500 дан ортиқ дронларни тўплаган.
Киев 7 кун ўққа тутилмади, бу аввалроқ америкалик маслаҳатчи Келлогг ташрифи билан боғлиқ бўлиши мумкин, аммо у кеча ўз давлатига кетди.
