Самарқанд халқаро аэропорти ҳудудида тўлиқ автоматлаштирилган автотураргоҳлар тизими ишга туширилди
Жорий йилнинг 30 ноябридан бошлаб аэропорт ҳудудига киришда ушбу тизим автомашинанинг давлат рақамларини автоматик равишда таниб олади.
Тўлов автотураргоҳ майдонида жойлашган паркоматлар орқали нақд пулда ёки автотураргоҳдан чиқаётганда банк карта орқали амалга оширилади. Тўлов миқдори электрон таблода кўрсатилади.
Аэропорт ҳудудида машина туришининг дастлабки 15 дақиқаси бепул.
“Air Marakanda” МЧЖ маъмурияти автотранспорт воситаларининг йўқолиши, ўғирланиши, шикастланиши ёки тўлиқлиги бузилганлиги, тўхташ жойларида жойлашган бошқа мол-мулкнинг, шу жумладан, транспорт воситасида қолган мол-мулкнинг йўқолиши ёки ўғирланиши учун жавобгар эмас.
