Самарқандда "Йилнинг энг яхши кутубхоначиси" ким?

Бу "Йилнинг энг яхши ахборот-кутубхона мутахассиси" кўрик-танловининг вилоят босқичида маълум бўлди.

Иштирокчилар кутубхоначилик соҳаси, АКТ ва ҳуқуқий саводхонликдан тест синовида қатнашди. Шунингдек, китобларни тарғиб ва тавсия қилиш ҳақида видеоролик яратиб, йиғилганлар эътиборига тақдим этди.

Якуний натижаларга кўра, 1-ўрин вилоят ахборот кутубхона маркази методика хизматининг бош мутахассиси Ирода Шамшиевага, 2-ўрин Каттақўрғон шаҳар ахборот кутубхона маркази абонементларга хизмат курсатиш хизмат раҳбари Нилуфар Инатуллаевага ҳамда 3-ўрин вилоят ахборот-кутубхона маркази ахборот-библиография хизмати раҳбари Маржона Шамшиевага насиб этди.

Танлов ғолиблари ва иштирокчиларига эсдалик совғалари топширилди.

Кўрик-танловнинг ушбу босқичи ғолиби якуний - республика босқичида вилоятимиз номидан иштирок этади.

Жасурбек ШУКУРОВ.