Самарқанддаги кафеда мижозни уриб ўлдирган 24 ёшли йигит 8 йилга қамалди
Самарқанд шаҳридаги кафелардан бирида юз берган мудҳиш қотиллик юзасидан суд ҳукми ўқилди.
Маълум бўлишича, Д. исмли йигит дўстлари билан дам олиш мақсадида кафега киради. У ерда бошқа мижозлар билан тортишиб қолиб, ўзаро гап талашган. Спиртли ичимлик ичган Д. ва А. ўртасида даҳанаки жанг бўлган. Муштлашув оқибатида Д. вафот этган.
Жиноятни содир этган йигит айбига иқрор бўлмаган бўлса ҳам, аммо кафе видеокузатув камерасидан олинган тасвирлар ва судга оид тиббий экспертиза хулосалари судланувчининг айбини тасдиқлади.
Суд ҳукмига кўра, 24 ёшли йигит айбдор деб топилиб, 8 йилга озодликдан маҳрум қилинди.
