Самвел Бабаян ўзбекистонлик шифокорларга инсонпарварлик ёрдамини юборди
Хитойнинг “Чанчун Ятай” клуби бош мураббийи Самвел Бабаян Ўзбекистонга инсонпарварлик ёрдамини юборди. Бу ҳақда "championat.asia" нашри хабар берди.
“Коронавирус пандемиясига қарши курашда мамлакатимиз шифокорлари олд қаторларда туришибди. Мазкур олижаноб касб эгаларининг фидокорона ва профессионал фаолияти, профилактика чоралари сабаб Ўзбекистонда коронавирус тарқалиб кетмаслиги билан боғлиқ вазият барқарор даражада. Бу эса вазиятни назорат остида ушлаб туришга имкон беради. Албатта, буларнинг барчаси бошқа тузилмалар ва ташкилотлар билан ҳамкорликда амалга оширилади.
Бу юк — инфекциядан жабрланганларга ёрдам кўрсатишда, шунингдек, карантиндаги одамларни назорат қилишда ишлаётган шифокорларимиз учун зарур ҳимоя воситалари ва экипировкаларидир”, деди Самвел Бабаян.
