Сайёр қабулда жиноят, фуқаролик, иқтисодий ва маъмурий масалалар кўриб чиқилди

Тойлоқ туманида вилоят суди раиси Олимжон Ҳайитов, вилоят маъмурий суди раиси Тоҳир Файзиев фуқаролар билан сайёр қабул ўтказди.

Дастлаб О.Ҳайитов бугунги суд-ҳуқуқ ислоҳотлари, қонунчиликдаги янгиликлар, давлатимизнинг бу соҳадаги одилона сиёсати, мамлакатимиздаги бугунги сиёсий-ижтимоий вазият, давлат сиёсатининг асосий йўналишлари, суд-ҳуқуқ тизимидаги сўнгги янгилик ва ўзгаришлар ҳақида тушунча берди.

Зарафшон маҳалласида яшовчи Н.Маҳмудов синов муддати чекловларини олиш бўйича мурожаат қилди. Турмуш ўртоғи билан ажрашган М.Раҳмонова алимент ундириш, Ж.Мустафоев судланганлик ҳолатини олиш борасида муражаат қилди.

Қабул жараёнида шу каби жиноят, фуқаролик, иқтисодий ва маъмурий масалалар юзасидан фуқаролар мурожаатлари кўриб чиқилди. Айримлари бўйича ҳуқуқий тушунтиришлар берилди.