Шахмат: 16 ёшли Умида Омонова - жаҳон чемпиони, 12 ёшли Ҳумоюн Бекмуродов - кумуш медаль соҳиби

Грециянинг Родос шаҳрида шахматнинг рапид йўналиши бўйича болалар ва ўсмирлар ўртасида якунланган жаҳон чемпионатида ўзбекистонлик икки нафар иқтидор соҳиби шоҳсупадан жой олди.

Жаҳон чемпионатида дунёнинг 40 давлатидан 330 нафардан ортиқ ёш шахматчи иштирок этди.

Ўзбекистон шарафини уч нафар ёш шахматчимиз ҳимоя қилди. Ҳумоюн Бекмуродов(12 ёш), Олмос Раҳматуллаев (16) ва Умида Омонова (16) ёш.

Қувонарлиси, Сурхондарё шахмат мактаби вакили Умида Омонова ўз ёш тоифасида жаҳон чемпиони бўлди. Тошкент шаҳри вакили Ҳумоюн Бекмуродов эса кумуш медаль соҳибига айланди.

Ҳусан Карвонли.