Самарқандлик спорт фахрийлари ёдга олинди ва эъзозланди
Самарқанд шаҳридаги спорт якка кураши бўйича ихтисослаштирилган болалар-ўсмирлар спорт мактабида 9 май - Хотира ва қадрлаш куни муносабати билан спорт фахрийлари учун байрам дастурхони ёзилди. Шунингдек, тадбирда Жаҳон ва Осиё ўйинларида ғолиб бўлган ёш спортчилар ҳам иштирок этди.
– Устозлик шарафини ўзим ҳозирда устоз бўлганимда ҳис этмоқдаман, – дейди Осиё ўйинлари чемпиони Мўминжон Абдуллаевнинг устози Шароф Мўминов. – Бугунги тадбирда ҳам спорт соҳасида доим маслаҳат берадиган ва қўллаб-қувватлаб келаётган фахрий устозларим Йўлдош Исканов ва Раббим Ташановлар билан кўришдик, спорт тадбирларидаги қизиқарли воқеаларни эсладик.
Тадбирда Самарқанд вилояти ҳокимининг ўринбосари Р.Қобилов иштирок этди.
Ҳусан Элтоев.
